Author Archives: admin

HITZALDIA: Integrazio sentsorialaren eragina haurraren garapenean. Irailak 24.

Antolatu dugun hitzaldi baten berri eman nahi dizuegu. “Integrazio sentsorialaren eragina haurraren garapenean”  da hitzaldi honen izenburua eta irailak 24, goizeko 10:00tan burutuko da Kulunka elkartearen egoitzan. Garapenean zailtasunak izan ditzaketen haurren guraso zein laguntzaileei zuzendutako hitzaldia da. Bertan, integrazio sentsorialaren prozesamenduak haurraren garapenean izan dezakeen garrantziaz jardungo gara.   Informazio gehiago hemen.

Tableta eta haurrak: Erabilerak, ezaugarriak eta aplikazioak.

Tabletaren erabilpen egokiei buruzko aholkuak eta ikaskuntzarako edota aisialdirako erabili ditzakegun aplikazio ezberdinen berri emango dizuegu hitzaldi honen bitartez.
Gaian aditua den Garbiñe Guerra okupazio terapeuta izango da hitzaldiaren hizlaria.

Integrazio Sentsorialaren eragina haurraren garapenean.

Aurten berriro ere integrazio sentsorialak garapenean duen eragina xehetasunez ezagutzeko aukera izango dugu.

Nekane Atxak, Kulunka elkarteko lehendakariak eta okupazio terapeutak, bere ibilbide profesional luzean eskuratu dituen ezaguerak gurekin partekatuko ditu. Sistema sentsorialen eta integrazio sentsorialaren nahasmenduen inguruan hitz egingo du eta hauek haurraren garapenean izan dezaketen eragina ezagutzera emango du hitzaldian. Guzti honek eguneroko jardueretako parte-hartzean duen eragina ulertzea izango da hitzaldiaren helburua, Ayres Sensory Integration ASI-a ® marko teorikotik aztertuta.